Benetton Ford B192 福特B192一級方程式賽車


Benetton Ford B192 福特B192一級方程式賽車

影開D舊車今次又順便影埋佢,呢架係田宮1/20一級方程式賽車系列模型之一,
大約係九十年代頭左近既產品,由於田宮既1/20 F1賽車響八十年代已經係模型極品,
去到九十年代更加係駕輕就熟,所以呢架ford b192完成度相當高,
記得當年大約八十年代頭,自田宮既法拉利312-T3開始,幾乎每出一架都會買入,
當然砌得好水皮,但對於一個學生哥來說,能擁有一架當年世界最頂尖既賽車,
砌得好唔好已經不太重要,仲有係田宮既F-1響模型來說相當好玩非常有樂趣的,
又有引擎砌又有靚水貼又有賽車手,完成後又相當美觀,而且每一款車仲各有特色,
所以那個年代係小的既至愛,但係去到某某年開始,因為D車去到好勁好危險,
賽會限制日益嚴苛,之後如大家所見,D車開始架架差唔多樣又唔靚,
就係咁開始冇玩F-1,個個去晒玩高達了XDDD
不經不覺去到二千年頭,因為二百蚊有三盒XDDD所以左挑右選之下買了此車,
無砌咁多年又咁岩當年學人正正經經玩番車車,所以好認真咁完成左佢,
同之前果兩粒波子都係同一時期完成,但係過左十年睇番,如大家所見,
唔係白色真係有運行,遠睇仲好新淨光亮XDDD
不過近睇響白底原先透明邊既水貼都有發黃現象!!!
講開又講當年砌呢架車真係幾好笑,首先係原來唔知幾時開始,
全部模型一律不准吸煙!!!直到現在都係,所有原先有既香煙標誌一律刪除,
一係就好似我呢架咁河蟹左,本泥係駱駝牌既標誌變晒benetton,
真係比佢吹脹............記得當年本泥想買番D駱駝牌既標誌水貼上番架,
但係果時冇淘寶冇咁易搵XDD,又因為諗住練習姐冇所謂啦咁XDDD
哈哈~~係羅係羅XDD我唔講又唔係車佬既鬼知摩XDDD
仲有仲有砌完先知呢架車原來來頭不小!!!咩來頭?
拿拿唔係車佬都可能知既,就係個車手個大名,個名雖然好唔老泥,
頭一個字就係'輸'........哈哈~~冇錯就係車神舒麥加啦~~
呢架就係佢渣過既戰車,知道後真係對佢肅然起敬XDDDDD


























熱門文章